تائێستا عێراق پێشوازی لە 8 هەزار ئاوارەی لوبنان کردووە کە بەهۆی شەڕ و ئاڵۆزییەکانەوە ماڵ و حاڵیان بەجێهێشتووە.
ئەمرۆ چوارشەممە، یاسین مەعموری، سەرۆکی کۆمەڵەی مانگی سووری عێراقی رایگەیاند، لە دوای تێکچوونی رەوشی لوبنانەوە تاوەکو ئێستا عێراق پێشوازی لە 8 هەزار ئاوارەی ئەو وڵاتە کردووە.
وتیشی، هەوڵە نیشتمانییەکانیان بۆ ئەوە چڕکردووەتەوە کە بە باشی پێشوازی لەو ئاوارانە بکەن و شوێنی مانەوە و خزمەتگوزارییەکانیان بۆ دەستەبەربکەن.
لە رۆژی 23ی ئەیلولی 2024ەوە، ئیسرائیل بۆردوومانەکانی بۆ سەر لوبنان دەستپێکردووە.
