ئەنتۆنیۆ گۆتێرێش ئەمینداری گشتیی نەتەوە یەکگرتووەکان لەم هەفتەیەدا سەردانی بەغداد و هەرێمی کوردستان دەکات.
بڕیارە رۆژی چوارشەممە ئەنتۆنیۆ گۆتێرێش بگاتە بەغدادی پایتەختی عێراق.
رۆژی پێنجشەممەی ئەم هەفتەیە ئەمینداری گشتیی نەتەوە یەکگرتووەکان سەردانی هەرێمی کوردستان دەکات و لەگەڵ بەرپرسان و سەرکردەکانی هەرێم کۆدەبێتەوە.
بڕیارە لە بەغدادیش لەگەڵ هەرسێ سەرۆکایەتییەکەی عێراق و بەشێک لە سەرکردە سیاسییەکان کۆببێتەوە.
