تێریز كۆفی وەزیری ژینگەی بەریتانیا، بەریتانییەكان هاندەدات شێلم زۆر بخۆن، ئەو پرسەشی بە پێشنیازی فەرمی پێشكەشكردووە.
هۆكاری پێشنیازەكەی وەزیرە بەریتانییەكە، كەمبوونەوەی جۆر و بڕی سەوزە و میوەیە لە وڵاتەكەیدا، بەڵام دیوێكی دیكەش وەك میدیای جیهانی باسی دەكات، سوودە زۆر و كاریگەرەكانی خواردنی شێلمە بۆ تەندروستیی مرۆڤ.
سوودەكانی شێلم چین؟
* جەستە لە تووشبوون بە شێرپەنجە دەپارێزێت.
* ئارەزووی زۆرخۆری كەمدەكاتەوە.
* رێژەی شەكری خوێن بە هاوسەنگی رادەگرێت.
* بڕێكی زۆری ڤیتامین “سی” لەخۆدەگرێت و بەوەش توانای خانەكانی جەستە لە بەرگەگرتنی پەتادا زیاددەكات.
*رێگرە لە بەرزبوونەوەی پەستانی خوێن.
*دەوڵەمەندە بە كالیسیۆم و بۆ پتەوی و بەهێزیی ئێسك بەسوودە.
