ئاسایشی گەرمیان دوو تۆمەتباری دەستگیرکرد کە دراوی ساختەیان ساغکردووەتەوە و دراوەکانیان لە دەرەوەی هەرێمەوە هێناوە.
لە راگەیەندراوێکدا ئاسایشی گەرمیان رایگەیاند، “هێزەکانمان لە ئاسایشی دەربەندیخان سەر بە بەڕێوەبەرایەتیی ئاسایشی گەرمیان زانیارییان لەسەر چەند کەسێک کۆکردەوە کە پارەی ساختە لە دەرەوەی هەرێم دێنن و لە بازاڕەکانی هەرێمی کوردستان ساغیدەکەنەوە”.
ئاماژە بەوە کراوە، هەردوو تۆمەتبار (ش.ک.ح.) و (ا.ع.ک) ئێستا دەستگیرکراون و لێکۆڵینەوەیان لەگەڵدا دەکرێت.
