دوایین بومەلەرزەی توركیا كە پێرێ دووشەممە روویدا، جگە لە مردنی شەش كەس، برینداربوونی 562 كەسی دیكەی لێكەوتووەتەوە و وەزیری ناوخۆی ئەو وڵاتە دەڵێت، “تەندروستیی بەشێكیان ناجێگیرە”.
سلێمانی سۆیلو وەزیری ناوخۆی توركیا رایگەیاند، لە بومەلەرزەكەی دووشەممەی رابردوودا، شەش كەس لە توركیا گیانیان لەدەستداوە و 562 كەسی تر برینداربوون.
سۆیلو ئاشكرایكرد كە تەندروستیی 18 لە بریندارەكان ناجێگیرە و وتی، “دەستنیشانكردنی قەبارەی زیانەكان بەردەوامە” و داوایكرد خەڵكی شارەكە لە باڵەخانە و بیناكان دووربكەونەوە و نەچنە ناویان، بە تایبەتی ئەوانەی زیانیان بەركەوتووە.
