فەرماندەیی پۆلیسی کەرکوک دەستگیرکردنی کەسێکی لە یەکێک لە بازگەکان راگەیاند کە هەوڵی بەقاچاخبردنی 116هەزار دۆلاری دابوو.
فەرماندەیی پۆلیسی کەرکوک ئەمڕۆ چوارشەممە بڵاویکردەوە، “لە یەکێک لە بازگەکان تۆمەتبارێک دەستگیرکراوە کە بڕی 116 هەزار و 337 دۆلاری پێبووە و بەنیاز بووە بە شێوەی قاچاخ بیگوازێتەوە”.
ئاماژەی بەوەش کرد، “تۆمەتبارەکە رادەستی لایەنە پەیوەندیدارەکان کراوە بە مەبەستی تەواوکردنی رێکارە یاساییەکان و لێکۆڵینەوەی زیاتر لەگەڵی”.
