دوو بومەلەرزەیەك بە گوڕی زیاتر و نزیك لە 6 پلەی رێختەر پارێزگای هاتای توركیای گرتەوە.
دەسەڵاتی بەڕێوەبردنی کارەسات و فریاگوزاریی تورکیا (ئافاد) بڵاویكردەوە، بومەلەرزەی یەكەم كاتژمێر 08:04ی ئێوارەی ئەمڕۆ بە گوڕی 6.4 پلە روویداوە و ناوەندەكەی شارۆچكه‌ی ده‌فنه سه‌ر به هاتای بووه.
بوومه‌له‌رزه‌كه لە قوڵایی 16.7 كیلۆمەتردا روویداوە و هەندێك باڵەخانەی داڕماندووە، وەك ئەوەی میدیاكان ئاماژەیان پێدا.
دوای بوومه‌له‌رزه‌كه‌ی شارۆچكه‌ی ده‌فنه، بوومه‌له‌رزه‌یه‌كی دیكه پارێزگای هاتای هه‌ژاند و ئه‌مجاره چه‌قه‌كه‌ی شارۆچكه‌ی سامانداغ و گوڕه‌كه‌ی 5.8 پله بوو.
بومەلەرزەكە لە هەندێك ناوچەی پارێزگاكانی دهۆك و هەولێری هەرێمی كوردستان هەستیپێكرا.
هەندێك لە میدیاكان ئاشكرایانكردووە، لە سوریا، لوبنان و فەلەستین-یش هەستیپێكراوە.
