بەڕێوەبەرایەتیی پۆلیسی پارێزگای ھەولێر، ئەمڕۆ هەینی لە راگەیەندراوێكدا دەستگیركردنی تۆمەتبارێكی بە 12 هەزار دۆلاری ساختەوە راگەیاند.
بەپێی راگەیەندراوەكە، بەشی پۆلیسی ڕێککاری لە بەڕێوەبەرایەتیی پۆلیسی پارێزگای ھەولێر، تۆمەتبارێکی خەڵکی ئێرانی دەستگیركردووە كە شوێنی نیشتەجێبوونی تورکیایە.
ئاشكراشیكردووە، تۆمەتبارەكە بڕی (12) هەزار دۆلاری ئەمریکیی ساختەی پێبووە، دەستبەسەر سەرجەم پارەکاندا گیراوە و پەڕاوی لێکۆڵینەوە بۆ تۆمەتبارەكە رێکخراوە و بە مەبەستی گرتنەبەری رێکاری یاسایی، رەوانەی دادگای لێکۆڵینەوەی هەولێر کراوە.
