فراکسیۆنی یەکێتیی نیشتمانیی کوردستان لە ئەنجومەنی نوێنەرانی عێراق، پەیامێکی ئاراستەی ئەندامانی ئەنجومەنەکە کرد لەبارەی دانیشتنی سبەینێی ئەنجومەنی نوێنەران، سەبارەت بە هەڵبژاردنی سەرۆککۆمار.
فراکسیۆنی یەکێتیی نیشتمانیی کوردستان ڕایگەیاندووە، لە سۆنگەی بەرپرسیارێتیی نیشتمانییەوە، داوا لە بەڕێزان ئەندامانی ئەنجومەنی نوێنەران دەکەین، ئامادەی کۆبوونەوەی سبەی شەممە بن، کە ڕێکەوتی 11ـی نیسانە، لەپێناو بەدیهێنانی خواستەکانی گەلەکەمان و چەسپاندنی پرۆسەی سیاسی و دیموکراسی، کە لەسەر خوێنی پاک و قوربانییەکانی گەلەکەمان دامەزراوە.
بڕیارە سبەی شەممە، 11ـی نیسانی 2026، دانیشتنی ئەنجومەنی نوێنەران تایبەت بە دەنگدان بۆ هەڵبژاردنی سەرۆککۆماری نوێی عێراق بەڕێوەبچێت؛ ئەمەش پاش چەندجارێک لە دواخستنی.
