لە رووداوێكی هاتوچۆدا لەسەر پردی ناحیەی ژاراوە لە قەزای پشدەر شەش كەس برینداربوون.
عەلی عەبدوڵا وتەبێژی بەڕێوەبەرایەتیی هاتوچۆی راپەڕین لە لێدوانێكدا بە تۆڕی میدیایی ئێستای راگەیاند، رووداوێكی هاتوچۆ لەسەر پردی ناحیەی ژاراوە لە قەزای پشدەر لە نێوان ئۆتۆمبێلێكی جۆری ئۆپڵ و بی ئێم دەبلیۆ روویدا و بەهۆیەوە شەش كەس برینداربوون كە سەرجەم بریندارەكان ڕەوانەی نەخۆشخانەی فێركاریی قەڵادزێ كران.
ئاماژە بۆ ئەوەش كراوە، ئەمڕۆ دووەمجارە لە هەمان شوێن رووداوی هاتوچۆ روویداوە كە سەرلەبەیانی ئەمڕۆش لە ڕووداوێكی دیكە لە هەمان شوێن حەوت كەس برینداربوون.
