ئەنجامی پشکنینە چاوەڕوانکراوە ساڵانەییەکەی جۆ بایدن سەرۆکی ئەمریکا بڵاوکرایەوە و ئاشکرایدەکات کە ناوبراو دەتوانێت بۆ خولێکی دیکەی سەرۆکایەتییەکەی خۆی کاندید بکات.
جۆ بایدن سەرۆکی ویلایەتە یەکگرتووەکانی ئەمریکا لە بنکەی والتەر رێدی سەربازی دەست بە پشکنینە رۆتینەییە پزیشکییەکان کرا بۆی کە ماوەی پێنج کاتژمێری خایاند و بە پێی ئەنجامەکانیش ناوبراو لە تەندروستییەکی باشدایە و هیچ کێشەیەکی تەندروستیی نییە.
جۆ بایدنی تەمەن 80 ساڵ کە بەتەمەنترین سەرۆکی وڵاتەکەیەتی، دوایین پشکنینی لە تشرینی دووەمی ساڵی 2021 بۆ ئەنجامدرا.
لە ماوەی رابردوودا و لە میانەی بەڕێوەچوونی چەند بۆنەیەک بایدن کۆمەڵێك هەڵەی زمانەوانی و جوڵەی سەیری کردبوو، ئەمەش گومانی لەسەر دۆخی تەندروستییەکەی دروستکردبوو بە تایبەت کە ناوبراو تەمەنێکی زۆری هەیە.
جۆ بایدن بە نیازە بۆ ویلایەتێکی دیکەی سەرۆکایەییەکەی خۆی کاندید بکاتەوە، ئەنجامی پشکنینە پزیشکییەکانیش تەواو پاڵپشتیی دەکەن بۆ ئەو پلانەی.
