هاتوچۆی سلێمانی شەقامێکی سەرەکی دادەخات

بەڕێوەبەرایەتیی هاتوچۆی سلێمانی شۆفێران لە داخستنی شەقامێکی سەرەکی ئاگاداردەکاتەوە و داوایان لێدەکات شەقامە خزمەتگوزارییەکە بەکاربهێنن.

بەپێی راگەیەندراوی هاتوچۆی سلێمانی شەقامی بازنەیی مەلیک مەحمود لەبەردەم نەخۆشخانەی فاروق بە ئاراستەی نەخۆشخانەی هەرێم دادەخرێت.

داخستنی شەقامەکە بەهۆی کارکردن و دروستکردنی ئەندەرپاسی فاروقەوەیە و لە ئەمڕۆ چوارشەممەوە دادەخرێت.

شۆفێرانیش ئاگاداردەکاتەوە کە دەتوانن شەقامە خزمەتگوزارییەکە بەکاربهێنن.