بەیانی ئەمڕۆ بومەلەرزەیەکی دیکە قەهرەمانی مەرەشی هەژاند کە بەپێی داتاکان گوڕەکەی زیاتر لە چوار پلە بووە بە پێوەری رێختەر.
پەیمانگەی بومەلەرزەی تورکیا بڵاویکردەوە، “بەیانی ئەمڕۆ بومەلەرزەیەک بە گوڕی 4.2 پلە بە پێوەری رێختەر قەهرەمانی لە مەرەشی باشووری تورکیا هەژاندووە”.
بە بومەلەزرەکەی ئەم بەیانییەوە لە ماوەی 10 رۆژی رابردوودا سێ هەزار و 170 بومەلەرزە لە 10 ناوچەی تورکیا روویانداوە.
تا ئێستا 35 هەزار و 495 تەرم لە شوێنە کارەساتبارکراوەکانی تورکیا دۆزراونەتەوە، پرۆسەی گەڕان و پشکنینەکانیش بەدوای کەسانی دیکەدا بەردەوامە و نزیکە لە کۆتاییهاتن.
