ئەمڕۆ چوارشەممە بەهای دۆلاری ئەمریكی بەرزترین ئاستی دوای بڕیاری دابەزاندنی تۆماركرد.
ئێستا لە بازاڕەكانی ئاڵوگۆڕكردنی دراو لە هەرێمی كوردستان، 100 دۆلاری ئەمریكی بە 155 هەزار و 750 دینار دەفرۆشرێت، بەوەش بەراورد بە بەیانیی دوێنێ سێشەممە، هەر دراوێكی 100 دۆلاری سێ هەزار دینار سەرباری بەهاكەی بووە.
بەهای ئەمڕۆی دۆلار بەرامبەر بە دینار، بەرزترین ئاستە لەو كاتەوەی بانكی ناوەندی بڕیاریداوە هەر دۆلارێك بە 1320 دینار بفرۆشێت.
