سەرجەم گەشتە ئاسمانییەکانی عێراق تاوەکو کاتێکی نادیار راگیران.
وەزارەتی گواستنەوە و گەیاندنی عێراق، لە راگەیەندراوێکدا بڵاویکردەوە، بەرەبەیانی ئەمڕۆ شەممە، سەرجەم گەشتە ئاسمانییەکان لە فڕۆکەخانەکانی وڵاتەکە تاوەکو کاتێکی نادیار راگیران.
وەزارەتەکە دەڵێت، بەهۆکاری پەرەسەندنی گرژییەکانی رۆژهەڵاتی ناوەڕاست و هێرشی سەر ئێران بەتایبەتی، گەشتەکان راگیراون لەپێناو سەلامەتیی گیانی هاوڵاتییان و فڕۆکەوانان.
بەرەبەیانی ئەمڕۆ شەممە، سوپای ئیسرائیل، هێرشی خۆی بۆ سەر ئێران دەستپێکرد، ئەوەش وەک کاردانەوەیەک لە بەرامبەر هێرشەکەی ئێران لە 1ی ئەم مانگەدا.
