ئەمشەو بەدوو یاریی، ڕکابەرییەکانی قۆناغی شانزەى چامپیۆنز لیگ دەستپێدەکاتەوە.
هەردوو یارییەکە کاتژمێر 11ی شەو بەڕێوەدەچێت، میلان لە سان سیرۆ میوانداری تۆتنهام دەکات و پاریسیش لە پارک دی پرانس ڕووبەڕووی بایرن دەبێتەوە.
ئەوەى پیشبینی دەکرا گەڕانەوەى مباپی بوو بۆ مەشق و ڕاهێنانەکانی پاریس.
یاریزانە فەرەنسییەکە بەشداری ڕاهێنانە بەکۆمەڵەکانی کردووە و بۆ یارییەکەش ئامادە دەبێت.
گالیتێی ڕاهێنەر دەڵێت پێمسەیر بوو کە مباپی توانی وا بە زووی لە پێکان چاکببێتەوە.
ناگیلسمانی ڕاهێنەری بایرنیش دەڵێت هەر لەسەرەتاوە دەمزانی مباپی دەتوانێت بەشداری ئەو یارییە بکات.
