ئەمینداری گشتیی بزوتنەوەی نوجەبا (یەكێك لە گرووپە چەكدارەكانی شیعە) هەڕەشە لە ئەمریكا دەكات و دەڵێت، “نابێت هیچ هێزێكی ئەمریكی لە عێراق بمێنێتەوە تەنانەت راوێژكار و كەسانی هونەرییش”.
ئەكرەم كەعبی ئەمینداری گشتیی بزوتنەوەی نوجەبا رایگەیاند، “مقاوەمەی عێراقی رێگەنادات هیچ هێزێكی ئەمریكی لەم وڵاتەدا بمێنێتەوە، بە سەرباز و راوێژكار و كارمەندە هونەرییەكانیشەوە”.
كەعبی دەشڵێت، “جیهاد بەردەوامە و هێشتا بەرەكان گەرمن و دوژمن لەسەر گۆڕەپان ماوە، هیچ دۆستایەتییەكمان لەگەڵ ئەمریكادا نییە و بە دوژمنی دەمێنێتەوە”.
