بەڕێوەبەرایەتیی پۆلیسی هەولێر دەستگیرکردنی کەسێکی بە تۆمەتی دزینی سپلیتێک لە کەرتێکی پۆلیسی هاتوچۆ راگەیاند.
بەڕێوەبەرایەتیی پۆلیسی هەولێر ئەمڕۆ شەممە بڵاویکردەوە، “بەشی پۆلیسی نەهێشتنی تاوان- نوسینگەی ناوەڕاست لە ماوەی کەمتر لە 24 کاتژمێر ئەو تۆمەتبارەیان دەستگیر کرد کە لە کاتژمێر 1:30خولەکی شەوی 9 ی ئەم مانگە هەڵسابوو بە دزینی سپلیتێک لە کەرتێکی پۆلیسی هاتووچۆ”.
ئاماژەی بەوەش کرد، “تۆمەتبار پێشینەی تاوانی هەیە و چەند جارێک لەلایەن هێزەکانی پۆلیسی هەولێرەوە دەستگیرکراوە، وە بەپێی ماددەی 444لە یاسای سزادان رێکاری یاسایی بەرامبەر گیراوەتە بەر”.
