لە دوای هەوڵەکانی روسیا بۆ کەمکردنەوەی رێژەی بەرهەمهێنان لە مانگی داهاتووەوە، ئەمڕۆ نرخی نەوت بەرزبوونەوەیەکی نوێی تۆمارکرد.
ئەمڕۆ شەممە نرخی یەک بەرمیل نەوتی خاوی برێنت بە رێژەی %2.2 بەرزبووەوە و گەیشتە 86.39 دۆلار.
هاوکات نەوتی خاوی تەکساس بە رێژەی 2.1% نرخی بەرزبووەوە و نرخی یەک بەرمیلی گەیشتە 79.72 دۆلار.
بەم بەرزبووەنەوەیەی ئەمڕۆ نرخی نەوت ئاستی بەرزبوونەوەی هەفتانەی نەوتی خاوی برێنت بە رێژەی %8.1 بووە و نرخی نەوتی خاوی تەکساسیش بە رێژەی %8.6 بەرزبووەتەوە.
بەرزبوونەوەی نرخی نەوت هاوکاتە لەگەڵ بڕیارێکی روسیا بۆ کەمکردنەوەی بەرهەمهێنان بە رێژەی %5لە مانگی داهاتوودا بە هۆی ئەو سزا ئابوورییانەی بەسەر وڵاتەکەدا سەپێندراوە.
