تیمێكی كەناڵی سپێدە لەلایەن هێزەكانی ئاسایش لە دهۆك دەستگیردەكرێن، پاش زیاتر لە كاتژمێرێك دەستبەسەركردنیان ئازادكراون.
ئێوارەی دوێنێ هەینی تیمێکی کەناڵی ئاسمانیی سپێدە، کە پێکهاتبوون لە دوو پەیامنێر و سێ وێنەگر لە دهۆک لەکاتی ئەرکی رۆژنامەوانیدا لەلایەن ئاسایشی ئەو شارەوە دەستگیرکران و پاش هێشتنەوەیان بۆ ماوەی زیاتر لە كاتژمێرێك ئازادكران.
رێکخراوی پەیامنێران بۆ ماف و گەشەپێدان دەڵێت، دەستگیركردنەكە جارێکی دیكە نیشانەی پرسیار لەسەر رەوشی رۆژنامەوانی دروستدەکات، چونکه بەپێی یاسای رۆژنامەگەری بەهیچ جۆرێک نابێت رۆژنامەنووس دەستگیربکرێت.
كەناڵەكە كەمپەینێكی بە مەبەستی کۆکردنەوەی هاوکاری بۆ زیانلێکەوتووانی بومەلەرزەکەی باكوور و رۆژئاوای كوردستان، تورکیا و سوریا لە شارەكەدا دەستپێكردووە و، لەوكاتەدا هێزەكەی ئاسایش هەڵیانكوتاوەتەسەریان.
