بەرەبەیانی ئەمڕۆ ئاگر لە سێ بینای سەر شەقامی 60 مەتری هەولێر کەوتەوە و لەلایەن تیمەکانی بەرگری شارستانییەوە کۆنتڕۆڵکرا.
پەیامنێری تۆڕی میدیایی ئێستا گواستییەوە، “بەرەبەیانی ئەمڕۆ لە دەوروبەری کاتژمێر 4:00 ئاگرێک لە سێ بینای تەنیشت یەک لە شەقامی 60 مەتری هەولێر کەوتەوە”.
ئاماژەی بەوەشکرد، “بەهۆی ئاگرەکەوە دووکانێکی ساردەمەنی و دوو پێشانگەی پێداویستییەکانی ناوماڵ و ئۆتۆمبێلێک سووتاون، بەڵام هیچ زیانێکی گیانیی بەدواوە نەبووە و توانراوە کۆنتڕۆڵبکرێن”.
ئاشکراشیکرد، “تائێستا هۆکاری ئاگرەکە نەزاندراوە، لێکۆڵینەوەکان دەستیانپێکردووە بۆ دیاریکردنی هۆکارەکەی”.
