وتەبێژی بەڕێوەبەرایەتیی بەرگریی شارستانیی سلێمانی رایدەگەیەنێت، “تیمەكانمان خراونەتە حاڵەتی ئامادەباشییەوە و هاوڵاتییان پەیوەندی بە ژمارە 115ەوە بكەن بەهانایانەوە دەچین”.
ئارام عەلی وتەبێژی بەڕێوەبەرایەتیی بەرگریی شارستانیی سلێمانی لە لێدوانێكدا بە تۆڕی میدیایی ئێستای راگەیاند، “ئەمشەو سەرجەم تیمەكانمان لە سەنتەری شاری سلێمانی و سەرجەم قەزا و ناحیەكاندا خراونەتە حاڵەتی ئامادەباشییەوە و هەر هاوڵاتییەك دووچاری هەر گرفتێك بوو بەهۆی ئەو شەپۆلی بەفربارینەی رووی لە ناوچەكە كردووە پەیوەندی بە ژمارە 115ەوە بكەن بەهانایانەوە دەچین”.
راشیگەیاند، لەسەرجەم بنكەكاندا تیمێك پێكهێندراوە و لە حاڵەتی ئامادەباشیدان بۆ بەهاناچوونی هاوڵاتییان.
