بەهۆی قەرەباڵغییەكی زۆرەوە كە هاوڵاتییان سەردانی بازاڕی دراوی سلێمانی دەكەن و دۆلارەكانیان دەكەنە دینار، بازاڕی دراو لە سلێمانی داخرا.
وتەبێژی بازاڕی دراو لە سلێمانی رایگەیاند، نەتوانراوە دۆخی بازاڕەكە كۆنترۆڵبكرێت بۆیە بڕیاردرا بازاڕەكە دابخرێت.
دوێنێ سێشەممە، ئەنجومەنی وەزیرانی عێراق پێشنیازی بانكی ناوەندیی عێراقی پەسەندكرد كە تایبەت بوو بە دابەزاندنی بەهای دۆلار، كە بەهای 100 دۆلار بە 130 هەزار بخاتە بازاڕەوە و ئەمڕۆش بڕیارەكەی حكومەتی عێراق خرایە بواری جێبەجێكردنەوە.
