بەتۆمەتی راوکردنی ماسی لە دەریاچەی دەربەندیخان، چوار کەس دەستگیرکران و دەست بەسەر چەند کەلوپەلێکی راوکردندا گیرا.
بەڕێوەبەرایەتیی پۆلیسی دارستان و ژینگەی پارێزگای سلێمانی، لە راگەیەندراوێکدا بڵاویکردەوە، لە ئەنجامی دەرچوونی مەفرەزەیەکى بەشى پۆلیسى دارستان و ژینگەى سەیدسادق بۆ سەر دەریاچەی دەربەندیخان لەسنووری بەشەکەیان بەمەستی رێگریکردن لە راوکردنی نایاسایی توانیان دوو هاوڵاتی دەستگیربکەن و دەست بەسەر چەکێکی کڵاشینکۆفیشدا گیرا.
لە راگەیەندراوەکەدا هاتووە، لە چالاکیەکی دیکەی هەمان بەش دا و لە ئەنجامی گەڕان و پشکنینی دەریاچەی دەربەندیخان دوو هاوڵاتیان بە تۆمەتی راوکردنی ماسی دەستگیرکرد ، دەست بەسەر چوار دەسکەداو و دوو ماتۆڕسکیلدا گیرا.
بەڕێوەبەرایەتیی پۆلیسی دارستان و ژینگەی پارێزگای سلێمانی، دەڵێت، پەڕوای لێکۆڵینەوە رێکخراوەو رادەستی دادوەر کراوە بۆ گرتنەبەری رێکاری یاسایی.
