بەڕێوەبەری چاودێری و بازرگانیی سلێمانی رایدەگەیەنێت، “نرخی یەك كیلۆ گێلاس لە عەلوە گەیشتووەتە 35 هەزار دینار و جەختیشدەكاتەوە، بەشێكی زۆری بەرهەمی هاوردەكراو نرخەكانیان لە بازاڕدا بەرزبوونەوەی بەخۆوە بینیوە”.
سۆران عەبدولغەفور بەڕێوەبەری چاودێری و بازرگانیی سلێمانی لە لێدوانێكدا بە تۆڕی میدیایی ئێستای راگەیاند، لە وەرزی هاویندا یەك كیلۆ گێلاس بە چوار بۆ پێنج هەزار دیناربووە، لەم وەرزەدا ئەو بەرهەمە كەمبووەتەوە و خواستیش لەسەری هەیە و بەرهەمی هاوردەكراوی گێلاس لە عەلوە گرانە و بەشێكیشی پەیوەندی بە بەرزبوونەوەی بەهای دۆلار بەرامبەر دینارەوە هەیە”.
راشیگەیاند، “لە ئێستادا بەرهەمی گێلاس یەك كیلۆی لە عەلوە بە 35 هەزار دینارە و بەشێكی دوكاندارەكان كە دەیبدەن بە گرانتر دەیفرۆشن و سەرباری گرانییەكەی خواستیشی لەسەر هەیە”.
