لە هەولێر تۆمەتبارێك كە ئەشكەنجەی هاوژین و منداڵەكانی داوە لەلایەن هێزەكانی ئاسایشەوە دەستگیركرا.
بەڕێوەبەرایەتیی ئاسایشی هەولێر رایگەیاند، تۆمەتبار (ن.ن.م.) کە بازرگان و بەکارهێنەری ماددەی هۆشبەرە، لەژێر کاریگەریی بەکارهێنانی ئەو ماددەیەدا ئەشکەنجەی هاوسەر و منداڵەکانی داوە و بەنیازبوو منداڵێکی خۆی کە تەمەنی تەنها (ساڵ و نیوێكە) بە شێوەیەکی دڕندانە بکوژێت.
ئەوەشی خستەڕوو، بەر لە ئەنجامدانی تاوانەکە، بە بڕیاڕی دادوەری لێکۆڵینەوەی ئاسایش لەلایەن هێزەکانیانەوە دەستگیرکرا و رووبەڕووی یاسا کرایەوە.
