بەهۆی بەفربارین و بوونی سەهۆڵبەندانەوە پەروەردەی پێنجوێن بڕیاردەدات گۆڕانكاری لە كاتی دەوامی خوێندنگاكانی سنوورەكەدا بكات.
بەڕێوەبەرێتیی پەروەردەی پێنجوێن رایگەیاند، پاش راوێژ لەگەڵ قائیمقامی قەزای پێنجوێن و بەڕێوەبەری گشتیی پەروەردەی سلێمانی، لەبەر بەرژەوەندی گشتی و سەلامەتیی خوێندکاران و بەهۆی بوونی سەهۆڵبەندان و سەرماوسۆڵەیەکی زۆر لە سنوورەکە بۆ ماوەیەکی کاتی دەوامی سەرجەم ناوەندەکانی خوێندن بەمشێوە دەبێت:
– دەوامی بەیانیان کاتژمێر 9ی بەیانی بۆ 12ی نیوەڕۆ.
– دەوامی دوانیوەڕوان کاتژمێر 1ی دوانیوەڕۆ بۆ 4ی ئێوارە.
بڕیارەكەی پەروەردە، سەنتەری قەزای پێنجوێن و هەردوو ناحیەی گەرمک و ناڵپارێز و گوندەکانی دەوروبەری دەگرێتەوە.
