بەهۆی بارینی بەفر و دروستبوونی ئاستەنگی هاتوچۆوە، لە سنووری پەروەردەی پێنجوێن دەوامی دوای نیوەڕوانی ئەمڕۆ كرا بە پشوو.
بەڕێوەبەرێتیی پەروەردەی پێنجوێن لە راگەیەندراوێكدا دەڵێت، “دوای راوێژ لەگەڵ قائیمقامی قەزای پێنجوێن و بەڕێوەبەری گشتیی پەروەردەی سلێمانی، بەهۆی بارینی بەفرەوە لە سنووری قەزای پێنجوێن و دەوروبەری و دروستبوونی ئاستەنگی هاتوچۆ، بڕیارماندا بە راگرتنی دەوامی دوای نیوەڕوانی سەرجەم ناوەندەکانی خوێندن”.
بەپێی راگەیەندراوەكەی بەڕێوەبەرێتیی پەروەردەی پێنجوێن، راگرتنی دەوام سەرجەم ناوەندەكانی خوێندنی قۆناغی (1 بۆ 12) دەگرێتەوە و بڕیارەكە تەنها بۆ ئەمڕۆ پێنجشەممەیە.
