دوشان ڤلاهۆڤیچ، ئەستێرەی سڕبیی یانەی یوڤانتۆس گڵۆپی سەوزی بۆ یانەی ڕیاڵ مەدرید داگیرساندووە و ئامادەیە پەیوەندییان پێوە بکات.
بەپێی زانیارییەکانی تۆماس گۆنزالێسی ڕۆژنامەنووسی ئیسپانی، دوشان ڤلاهۆڤیچ لە ڕێگەی لێپرسراوی کارەکانییەوە پەیوەندی بە ئیدارەی یانەی شاهانەی مەدریدەوە کردووە.
Tras el ofrecimiento de Dušan Vlahović al Real Madrid…¿debe Florentino ir a por el crack serbio?
SÍ o NO pic.twitter.com/JitJgj9f2f
— MadridistaReal (@RMadridistaReal) January 31, 2023
یاریزانەکە ئامادەیی دەربڕیوە لە وادەی گواستنەوەکانی زستان، یاخود هاوینی 2023 پەیوەندیی بە پێکهاتەی کارلۆ ئەنچیلۆتی-یەوە بکات، بۆ ئەو مەبەستەش ئیدارەی ڕیاڵ مەدرید تاوتوێی دۆخی بنزیمە و ڕێژەی پێویستییان بە هێرشبەرێکی جێگرەوە کردووە.
ڤلاهۆڤیچ تەمەنی 23 ساڵە، لە زستانی 2022وە پەیوەندی بە یانەی “خانمە پیرەکە”وە کردووە، (37) یاریی لە خولی ئیتاڵیا کردووە و (16) گۆڵ و چوار ئەسیستی تۆمارکردووە.
