ڕۆژنامەنووسی متمانەپێکراو، دەیڤید ئۆرنستاین سوپرایزێکی گەورەی ئاشکراکرد و ڕایگەیاند، کە بایرن میونشن خۆی ئامادە دەکات بۆ گواستنەوەی جواو کانسێلۆی بەرگریکاری ڕاستی یانەی مانچستەر سیتی.
ئۆرنستاین لە ئەکاونتی فەرمی خۆیەوە لە تۆڕی کۆمەڵایەتی تویتەر پشتڕاستیکردووەتەوە، کە ئیدارەی بایرن میونشن کاردەکات بۆ ئەوەی کانسێلۆ بە خواستن تاوەکو کۆتایی وەرز بگوازێتەوە بۆ ڕیزەکانی.
🚨 EXCLUSIVE: Bayern Munich set to sign full-back Joao Cancelo on loan from Manchester City. Likely to include buy option. 28yo Portugal international has seen #MCFC minutes limited recently + #FCBayern long-term admirers. W/ @polballus for@TheAthleticFC https://t.co/JyM32rNz5d
— David Ornstein (@David_Ornstein) January 30, 2023
بەپێی ئەو زانیارییانەی دەست تۆڕی “سکای سپۆرت” کەوتووە، بڕیارە یانە ئەڵمانییەکە بژاردەی “گرێبەستی هەمیشەیی” بکاتە یەکێک لە بڕگەکانی گرێبەستەکە لە هاوینی داهاتوودا.
لە دوایین یارییەکانی “سیتیزنس”دا کانسێلۆ ئاستی دابەزیوە و ڕۆڵە سەرەکییەکەی لەدەستداوە، بۆیە لە مێرکاتۆی زستانەدا ئامادەیی دەربڕیوە پەیوەندی بە یانەیەکی دیکەوە بکات.
