فەرمانبەرێكی وەزارەتی كارەبا لە كێشەیەكی خێزانیدا كوژرا و بكوژەكان هەڵاتن.
رووداوەكە لە بەغداد روویداوە و بەپێی سەرچاوە ئەمنییەكان، پیاوێك لەگەڵ هاوژینەكەیدا شەڕ و ناكۆكییان بووە و بەو هۆیەوە كوڕە تەمەن 18 ساڵانەكەی بە هاوكاریی دایكی دەمانچەی هەڵگرتووە و باوكی كوشتووە، دواتر هەردوو تۆمەتبارەكە هەڵاتوون.
پۆلیسی بەغداد لەبارەی رووداوەكەوە دەڵێت، دوای كەمێك لە كوژرانی پیاوەكە، هاوژین و كوڕەكەی لە ناوەندی بەغداد دەستگیركراون.
