ژمارەی ئەو كەسانەی بەهۆی زریانی بەفر و لێكەوتەكانییەوە لە ئەفغانستان بوونەتە قوربانی بۆ 166 كەس بەرزبووەوە.
رووداوەكان جۆراوجۆرن و هۆكاری سەرەكیی سەرجەمیان زریانی بەفرییە كە ماوەیەكە ئەو وڵاتەی گرتووەتەوە و لافاو، ئاگركەوتنەوە و لێچوونی غازی لێكەوتووەتەوە.
بەپێی وتەی كاربەدەستانی ئەفغانستان، تەنها لە ماوەی یەك هەفتەدا 88 كەس بەهۆی ئەو رووداوانەوە گیانیان لەدەستداوە و بەوەش كۆی حاڵەتەكانی مردن لە گشت ویلایەتەكانی ئەفغانستان لەم ماوەیەدا گەیشتووە بە 166 كەس.
جگە لە مرۆڤەكان، زریان و شەپۆلی سەرما و لێكەوتەكانیان زیانیان بە سامانی ئاژەڵ و ژێرخانی ئەفغانستان گەیاندووە و 80 هەزار سەر ئاژەڵ مرداربوونەتەوە.
