بەپێی زانیارییەكانی تۆڕی میدیایی ئێستا، منداڵەكە ناوی ئەیوب ئەحمەد عەبدوڵا جاسمە، بە وتەی باوكی ئەو منداڵەش چوار رۆژ لەمەوبەر لە ماڵ دەرچووە و چووەتە ناوچەیەكی نێوان قەرەبوو- كەسنەزان نزیك بە شەقامی 150 مەتریی شاری هەولێر كە دواتر لە نزیك ئاوەڕۆیەكی شەقامی 150 مەتریی بۆ ماوەیەك لە كامێراكانی چاودێرییەوە دەركەوتووە كە یاریكردووە و تائێستا چارەنووسی نادیارە
هاوكات باوكی منداڵەكە ئاماژەی بۆ ئەوەش كرد، “منداڵەكەیان ئاستی زانستی و بیركردنەوەی زۆرباش بووە و تەنها نەخۆشیی بوراندنەوەی لەگەڵ بووە و چەند رۆژێكە سۆراغی دەكەن، بەڵام چارەنووسی نادیارە وتیشی، “هێزە ئەمنییەكانمان ئاگاداركردووەتەوە داوادەكەین كامێراكانمان بۆ لێبدرێتەوە و چارەنووسی كوڕەكەمان بزانین”.
