وتەبێژی وەزارەتی دەرەوەی ئێران رایدەگەیەنێت، هێرشكردنە سەر باڵیۆزخانەی ئازەربایجان لە تاران سەركۆنە دەكەین و لێكۆڵینەوە لە رووداوەكە دەكرێت.
ناسر كەنعانی وتەبێژی وەزارەتی دەرەوەی كۆماری ئیسلامیی ئێران رایگەیاند، هاوخەمی خۆمان بۆ بنەماڵەی ئەو كارمەندەی باڵیۆزخانەی ئازەربایجان دەربڕین كە ئەم بەیانییە لە هێرشێكی چەكداریدا كوژرا و سەرەخۆشی خۆمان ئاراستەی حكومەت و گەلی كۆماری ئازەربایجان دەكەین.
راشیگەیاند، “پۆلیس و هێزە ئەمنییەكان دەستبەجێ لێكۆڵینەوەیان لە رووداوەكە كردووە و تاوانبارەكەیان دەستگیركردووە و لێكۆڵینەوەی توندی لەگەڵدا دەكرێت”.
