قائیمقمایەتی سلێمانی رایگەیاند، گۆشتفرۆشییەکیان بەهۆی پابەندنەبوون بە رێنماییەکان و فرۆشتنی گۆشتی هیندییەوە داخستووە و رێکاری یاساییش بەرامبەر خاوەنەکەی دەگیرێتەبەر.
لە راگەیەندراوێکدا قائیمقامیەتی سلێمانی ئاشکرایکرد، “بەهۆی پابەندنەبوون بە رێنماییەکان و گوێنەدان بە تەندروستیی هاوڵاتییان، لیژنە هاوبەشەکان گۆشتفرۆشی شازادیان لە گەڕکی راپەڕین داخست و رێکاری یاسایی لەگەڵ خاوەنەکەی دەگرێتەبەر”.
ئاماژە بەوەکراوە، لەو گۆشتفرۆشییەدا دەستگیراوە بەسەر بڕێکی زۆر لە گۆشتی هیندیدا کە ئامادەکرابوو بکرێت بە قیمە.
قائیمقامیەتی سلێمانی دەڵێت، دوای ئەوەی پشکنین بۆ ماڵی خاوەنی گۆشتفرۆشەکە کرا، دەست بەسەر نزیکەی 40 کیلۆگرام گۆشتی بێ مۆر لەماڵەکەیدا گیرا.
بەپێی راگەیەندراوی قائیمقامیەتی سلێمانی، لەلایەن لیژنەکانیانەوە گۆشتفرۆشی شازاد داخرا و خاوەنەکەشی سەرجەم رێکارە یاساییەکانی لەگەڵدا دەگیرێتەبەر.
