لە پڕۆگرامێکی تایبەتدا سکالۆنی ڕاهێنەری ئەرجەنتین بەجۆرێک باسی مێسی دەکات خۆی دەستدەکات بە گریان.
سکالۆنی دەڵێت هەرگیز هیچ کەسێکم نەبینیوە بەو گەورەییە کاریگەری لەسەر یاریزانەکانی هاوڕێی دروستکردبێت.
دەشڵێت کاتێک مێسی قسە دەکات هەموومان گوێ دەگرین و کاتێکیش وشە لە دەمی دێتە دەرەوە، هاوڕێکانی ئامادەن گیانی خۆیان فیدا بکەن بۆی.
سکالۆنی کاتێک باسی سەردەمی مۆندیالی دەکرد چاوەکانی پڕبون لە فرمێسک و دەڵێت هەرگیز ئەو خۆشییەمان لە بیر ناچێتەوە.
تا ئێستا سکالۆنی بۆندەکەى لەگەڵ ئەرجەنتین درێژ نەکردۆتەوە، بەڵام بەپێی ڕاگەیاندنەکان تا ساڵی 2026 وەک ڕاهێنەر بەردەوام دەبێت.
