بەهۆی هێرشێك بە چەقۆ لە شەمەندەفەرێكی ناوخۆیی ئەڵمانیادا دوو كەس گیانیان لەدەستدا و پێنجی دیكە برینداربوون.
ئەو شەمەندەفەرەی رووداوەكەی ئەمڕۆی تیایدا روویداوە لە شاری كیل-ەوە بەرەو هامبۆرگ لە باكووری ئەڵمانیا لەڕێگادا بووە.
بەپێی وتەی زابینا زۆترلین، وەزیری ناوخۆی ویلایەتی شلیزفیگ هۆلشتاین لە ئاكامیدا دوو كەس گیانیان لەدەستداوە و پێنجی دیكە برینداربوون، دوای ئەوەی پیاوێك بە چەقۆ پەلاماری گەشتیارانی ناو شەمەندەفەرەكەی داوە.
بەپێی وتەی پۆلیس، هێرشكارەكە دەستگیركراوە و تائێستا هۆكار و پاڵنەری پەلاماردانەكەی نەزانراوە.
