سێ خوێندكار بە ناوەكانی محەمەد نەوزاد لە پۆلی 10ـی وێژەیی و یاد لوقمان و ئاریا میدیا لە پۆلی 11ـی زانستی لە ئامادەیی (ئەمین فەیزی کوڕان) لە گەڕەکی عەواڵی شاری سلێمانی، چوار هەزار دۆلاریان دۆزیوەتەوە و پارەكەیان رادەستی بەڕێوەبەری خوێندنگەكەیان كردووە.
ئالان حەمەسەعید وەزیری پەروەردەی هەرێم لەو بارەیەوە رایگەیاند، قسەی لەگەڵ خوێندكارەكان کردووە و دەستخۆشی لێکردوون كە “بەوپەڕی دەستپاکییەوە” پارەكەیان رادەستی بەڕێوەبەری خوێندنگەكەیان کردووە.
وەزیری پەروەردە دەڵێت، “ئەوە گەورەترین بڕوانامەیە، سوپاس بۆ پەروەردەی خێزانەکانتان، سوپاس بۆ مامۆستاکانتان، بە نووسراوی فەرمیی وەزارەت سوپاسنامەیان ئاراستە دەکەم”.
