لە بەهاری هەموو ساڵێکدا کێشەی پیسکردنی شوێنە گەشتیارییەکان لەلایەن گەشتیارانەوە سەرهەڵدەداتەوە و ئەمساڵیش لە تەنها لە سنوری شارەوانی قەزایەک 25 تۆن پاشماوەی گەشتیاری هەڵگیراوەتەوە.
لەسەر ئەم پرسە وەزارەتی شارەوانی و گەشتوگوزاری هەرێم ڕایگەیاندووە، ” تیمەكانی ژینگەپارێزی سەر بە سەرۆكایەتیی شارەوانیی ئاكرێ، لە چەند ڕۆژی ڕابردوودا هەڵمەتێكی فراوانیان لە چەند شوێن و ناوچەیەكی گەشتیاری بەڕێوەبرد و بە هەزاران تۆن خۆڵ و خاشاكیان هەڵگرتەوە”.
ئاماژە بەوەشکراوە، ” لەمیانەی بەڕێوەچوونی هەڵمەتەكەی ژینگەپارێزی شارەوانیی ئاكرێ، كە چەند ڕۆژێكی خایاند، زیاتر لە 25 تۆن خۆڵ و خاشاك و پاشماوەی گەشتیاران لە چەند شوێنێكی گەشتیاریی سنوورەكە هەڵگیرایەوە و دواتر بۆ شوێنی چارەسەركردن گواسترایەوە”.
سەرۆكایەتیی شارەوانیی ئاكرێ داوا لە هاووڵاتییان و گەشتیاران دەكات ڕەچاوی پاكوخاوێنی شوێنە گەشتیارییەكان بكەن و لەدوای خۆیان پاشماوەكانیان فڕێ نەدەن، ئەمەش لەپێناو پاراستنی ژینگە و شوێنە گەشتیارییەكان.
