قوباد تاڵەبانی: نابێت ناكۆكییە سیاسییەكان رێگربن لەبەردەم ڕیفۆرم لە هێزەكانی پێشمەرگەدا

قوباد تاڵەبانی جێگری سەرۆك وەزیرانی هەرێم لە كۆبوونەوەی لەگەڵ شاندێكی سەربازیی هاوپەیمانان بە سەرۆكایەتیی ژەنەڕاڵ ئەندروو گارنەر جێگری فەرماندەیی گشتیی هێزەكانی هاوپەیمانان لە عێراق و سوریا جەختی لەسەر بەردەوامی ڕیفۆرم لە وەزارەتی پێشمەرگە كردەوە و رایگەیاند، “نابێت ناكۆكییە سیاسییەكان رێگربن لە بەردەم ریفۆرم لە هێزەكانی پێشمەرگەدا”.

لە كۆبوونەوەكەدا كە رۆژی پێنجشەمە، لە شاری هەولێر بەڕێوەچوو، گفتوگۆكرا لە بارەی ڕەشنووسی پڕۆژەی ریفۆرم لە هێزەكانی پێشمەرگە و هەردوولا هاوڕابوون كە بۆ پرۆسەی ڕیفۆرم و رێكخستنەوە و یەكخستنەوەی هێزەكانی پێشمەرگە دەبێت رێككەوتنێك لەنێوان لایەنە سیاسییەكاندا بكرێت كە هەم قابیلی جێبەجێكردن بێت و هەم روون و شەفاف بێت و لایەنەكان پێوەی پابەندبن”.
جێگری سەرۆك وەزیران لە كۆبوونەوەكەدا جەختیكردەوە سەرباری هەموو ناكۆكییەكی سیاسی لە نێوان لایەنە سیاسییەكان، بەردەوامدەبن لە پرۆسەی ڕیفۆرم و بە دامەزراوەییكردنی زیاتری هێزەكانی پێشمەرگە و ڕاشیگەیاند، “نابێت ناكۆكییەكان رێگربن لە بەردەم پرۆسەی ریفۆرمدا”.

شاندی هاوپەیمانان ستایشی هەڵوێستی قوباد تاڵەبانییان كرد كە بەردەوام پشتگیری لە چاكسازییەكانی وەزارەتی پێشمەرگە كردووە و جەختیشیان كردەوە كە دەبێت دەسەڵاتی زیاتر بدرێت بە وەزارەتی پێشمەرگە بۆ ئەوەی هەنگاوەكانی چاكسازی خێراتر و باشتر بەرەوپێش بچن.

بابەتی پێشتر

ئیمارات بووە یەکەم دەوڵەت لە رووی ئاسایشەوە لە جیهاندا

بابەتی دواتر

کەسێک دەستگیرکرا بەبیانووی دروستکردنی مزگەوت پارەی لە خەڵک سەندووە

بابەتی پەیوەندیدار
زیاتر ببینە

وەزیری پێشمەرگە: پەیوەندی و هەماهەنگی نێوان پێشمەرگە و سوپای عێراق بۆ ئاستێكی باڵاتر بەردەوام دەبێت

وەزیری پێشمەرگە ڕایگەیاند، پەیوەندی و هەماهەنگی پێشمەرگە لەگەڵ سوپای عیراق بۆ ئاستێكی باڵاتر بەردەوام دەبێت، لەبەرامبەر ڕوبەڕوبوونەوەی تیرۆرستان…
Total
0
Share