حکومەتی هەرێم لەبارەی بارینی بارانی بەخوڕ و دروستبوونی لافاوەوە هۆشداری بە هاوڵاتییان دەدات.
فەرمانگەی میدیاو زانیاریی حکومەتی هەرێم رایگەیاند، سبەی پێنجشەممە، بارانی بەخوڕ بە هەورەتریشقە و باوە، لە تەواوی هەرێمی کوردستان دەبارێت.
ئاماژە بەوەش دەکات، بەم هۆیەوە هاوڵاتییان ئاگادار دەکەینەوە، لەو ناوچانەی نزمن و ئەگەری کۆبوونەوەی ئاو هەیە، دوورکەونەوە.
دەشڵێت، بۆ دووربوون لە هەورەتریشقە، سەردانی ناوچە شاخاوییەکان نەکرێت، لە رێگە سەرەکییەکان هۆشیاربن و گەر زۆر پێویست نەبێ رێگە بەکار نەهێنرێت.
فەرمانگەکە ئاگاداری هاوڵاتییان دەکات، بە رێنمایی دەزگا خزمەتگوزارییەکانەوە پابەندبن.
