بەمەبەستی بەشداریکردن لە ئاهەنگی کۆتایی جامی کەنداو 25، هەردوو هونەرمەندی گۆرانیبێژ ئەحلام شامسی و ماجد موهەندیس گەیشتنە فڕۆکەخانەی بەسڕە.
دواینیوەڕۆی ئەمڕۆ پێنجشەممە بە مەبەستی بەشداریکردن لە ئاهەنگی کۆتایی جامی کەنداو 25 کە بڕیارە ئێوارەی ئەمڕۆ لە بەسڕە بەڕێوەبچێت، هەردوو هونەرمەند ماجد موهەندس و ئەحلام شامسی گەیشتنە فڕۆکەخانەی شارەکە.
هەر ئەمڕۆ پێشکەشکاریی وەرزشی ناسراوی عەرەب محەمەد سەعدون ئەلکەوالی، بەمەبەستی بەڕێوەبردنی ئاهەنگەکە گەیشتە بەسڕە.
بڕیارە کاتژمێر 7:00 ی ئێوارەی ئەمڕۆ، یاری کۆتایی پاڵەوانێتی جامی کەنداو 25 لە یاریگای نەخلەی بەسڕە لەنێوان هەردوو هەڵبژاردەی بەسڕە و عوممان بەڕێوەبچێت.
