بەڕێوەبەری گشتیی ئاژانسی نێودەوڵەتیی وزەی ئەتۆم هۆشداریی دا لە مەترسییەکانی وێستگەی ئەتۆمیی زاپۆرۆژیا رایگەیاند، “روودانی تەقینەوە لە هەر چرکەیەکدا لە وێستگەکە ئەگەرێکی بەهێزە”.
رافایل گرۆسی لە لێدوانێکدا رایگەیاندووە، ئەگەری روودانی رووداوی تەقینەوە هەیە لە وێستگە ئەتۆمییەکە و ناوچەکانی دەوروبەری هیچ ئاسایشێکی پارێزراوییان نییە.
گرۆسی وتی، “ئەگەری ئەو تەقینەوەیە هەیە لە هەر چرکەیەکدا، ئەمڕۆ هەموو شتێک هێمنە بەڵام سبەینێ بۆردومان دەستپێدەکاتەوە بۆیە دەکرێت رووبدات هیچ گرنەتییەک نییە بۆ سەلامەتیی وێستگەکە”.
وێستگەی ئەتۆمیی زاپۆرۆژیا دەکەوێتە بەشی چەپی کەناری رووباری دنیبەر لە نزیک شاری ئینیرهودار، گەورەترین وێستگەی ئەتۆمییە لە ئەوروپا.
