یانەی بوروسیا مونشنگلادباخ چوارجار پێشنیازی بایرن میونشنی بۆ گواستنەوەی یان سۆمێر ڕەتکردووەتەوە.
دوای پێکان و نەشتەرگەریی مانوێل نۆیەر، یانەی بایرن میونشن لە ماوەی گواستنەوەکانی زستانەدا هەوڵەکانی بۆ گواستنەوەی گۆڵپارێزێک دەستپێکردووە.
بەپێی زانیارییەکانی “بێلد سپۆرت”، ئیدارەی “باڤاری” چوار ئۆفەری جیاوازی بۆ یان سۆمێری گۆڵپارێزی سویسری پێشکەشی مونشنگلادباخ کردووە، بەڵام ئیدارەی گلادباخ سەرجەم ئۆفەرەکانی ڕەتکردووەتەوە.
بەڕێوەبەری وەرزشیی گلادباخ بە بەڕێوەبەری جێبەجێکاری بایرن، ئۆلیڤەر کانی وتووە، “بە کەمتر لە هەشت ملیۆن قایل نابین.”
بایرن شەش ملیۆن و دووی زیادەی وەک پاداشت پێشکەش کردووە، بەڵام ئەم ئۆفەرە ڕەتکراوەتەوە، چونکە پاداشتەکان تایبەتبوون بە “چامپیۆنزلیگ”.
دوایین ئۆفەری بایرن بە بڕی هەشت ملیۆن ملیۆنێک زیادەی پاداشت بووە، دیسانەوە ڕەتکراوەتەوە.
چاوەڕوان دەکرێت لە 24 کاتژمێری داهاتوودا بایرن میونشن ئۆفەری پێنجەم پێشکەشبکات و گرێبەستەکە واژۆ بکات.
