وەزارەتی ژینگە و دەزگای گشتیی كاروباری مین لە هەرێم رێككەوتن لەسەر هەمانگی لەپێناو كۆتاییهێنان بە مین و پاشماوە جەنگییەكان.
ئەو رێككەوتنە ئەمڕۆ لەمیانەی دیداری نێوان نزار ئامێدی، وەزیری ژینگە و جەبار مستەفا، سەرۆكی دەزگای گشتیی كاروباری مین-دا بوو كە لە هەولێر بەرێوەچوو.
نزار ئامێدی جەختیكردەوە لەسەر گرنگیی هەماهەنگی نێوان دەزگاكە و وەزارەتەكەی لەپێناو كۆتاییهێنان بە مەترسییەكانی مین و پاشماوە جەنگییەكانی لێكەوتەی جەنگەكانی رابردوو.
دووپاتیشیكردەوە، حكومەت هەوڵدەدات بۆ پاككردنەوەی سەرجەم ئەو ناوچانەی لەژێر كاریگەریی ئەو جەنگانەدا ماونەتەوە لەپێناو گەڕانەوەی دانیشتووان بۆ ماڵ و كێڵگەكانیان.
