بەرپرسێكی پێشووی حكومەت سزای دوو ساڵ “زیندانیكردنی توند”ی بەسەردا سەپێندرا.
دەستەی دەستپاكیی عێراق رایگەیاند، پشكنەری گشتیی پێشووی وەزارەتی تەندروستی، “بە تاوانی” تێوەگلان لە گەندەڵی سزادراوە و روونیكردەوە، دوای لەكارلادنی، بەڵگەنامە و نووسراوە فەرمییەكانی تایبەت بە نووسینگەی پشكنەری گشتیی نەگەڕاندووەتەوە بۆ وەزارەتی تەندروستی و لە ماڵەكەی خۆیدا دەستی بەسەرداگرتوون.
بەپێی راگەیەندراوێكی دەستەی دەستپاكی، دوای لێكۆڵینەوە لە دۆسیەكەی، تۆمەتبارەكە هەڵاتووە و لەسەر بنەمای “ئەو تاوانانە”، دادگای تایبەت بە لێكۆڵینەوە لە كەیسەكانی گەندەڵی دادگایی كردووە و بە “زیندانیكردنی توند” سزای بەسەردا سەپاندووە و بڕیاریشیداوە دەستبگیرێت بەسەر هەموو سامان و موڵكەكانیدا.
