لە بێخاڵ مین بە دوو هاوڵاتیدا تەقییەوە و یەکێکیان برینەکەی سەختە

لە ناوچەی بێخاڵ مین بە دوو هاوڵاتییدا تەقییەوە و برینداربوون،  یەکێک لە بریندارەکانیش برینەکەی سەختە.

بەڕێوەبەرایەتیی بەرگریی شارستانیی سۆران رایگەیاند، لە شاخی گۆرنۆک/بێخاڵ سەر بە قەزاى رواندز مین بە دوو هاوڵاتیدا تەقییەوە و برینداربوون و رفەوانەی نەخۆشخانە کران.

بەپێی راگەیەندراوەکە یەکێک لە بریندارەکان برینەکەی سەختە و قاچێکی لەدەستداوە.

ئاماژە بەوەشکراوە، یەکێکیان بەهۆى ئەوەى پێى لەسەر مینەکە داناوە قاچێکى لە دەستداوە  و برینەکەی سەختە، بۆیە لە نەخۆشخانەى رواندزەوە دەگوازرێتەوە بۆ نەخۆشخانەى ئاشتى لە سۆران.

بەرگریی شارستانیی سۆران دەڵێت، یەکێک لە بریندارەکان لە دایکبووى 1998 دانیشتووى رواندز/گەرەکى شەهیدانە و سەرى بریندارە و بارى تەندروستى جێگیرە، ئەوەى تریان لەدایکبووى 1991ـە و خێزاندارە ودانیشتووى رواندزە و قاچێکی لەدەستداوە.

هۆکارەکەشی بەپێی راگەیەندراوەکە بەرگریی شارستانیی رواندز، لادانیان بووە لە رێگاى سەرەکىی پیادەڕۆیى لەگەڵ گروپى شاخەوانى کە خۆیان ئەندامى ئەو گروپە بوون.

بابەتی پێشتر

زانایان پەرە بە چارەسەرێکی لەبیرچوونەوە و پارێزەری بیروەری دەدەن

بابەتی دواتر

لە ساڵی رابردوودا زیاتر لە 70 هەزار حاڵەتی جیابوونەوە تۆمارکراوە

بابەتی پەیوەندیدار
زیاتر ببینە

كه‌شناسیی هه‌رێم: سبه‌ینێ شه‌خته‌ دروستده‌بێت و به‌فربارین كۆتایی دێت

به‌ڕێوه‌به‌رایه‌تیی كه‌شناسی و بومه‌له‌رزه‌زانيى هه‌رێمى كوردستان پێشبینییه‌كانى ئه‌مڕۆ و ‏سبه‌ینێی كەشوهەوای پارێزگاكانى هه‌رێمى بڵاوكرده‌وه‌، ئه‌مڕۆ له‌ سلێمانى، هه‌ڵه‌بجه‌…
Total
0
Share