وتەبێژی بەڕێوەبەرایەتیی هاتوچۆی گەرمیان روونكردنەوە لەبارەی هۆكاری دەستبەرداگرتنی ژمارەیەك لە ئۆتۆمبێلە بێسەرەتاكان لە سنوورەكە ئاشكرادەكات و دەشڵێت، “لە دوو ڕۆژی رابردوودا دەستبەسەر 15 ئۆتۆمبێلی بێسەرەتادا گیراوە”.
سامان عەلی وتەبێژی بەڕێوەبەرایەتیی هاتوچۆی گەرمیان لە لێدوانێكدا بە تۆڕی میدیایی ئێستای راگەیاند، لە ماوەی رابردوودا ژمارەیەك لە هاوڵاتییان سكاڵایان لەسەر ئۆتۆمبێلە بێسەرەتاكان تۆماركردبوو كە شۆفێرەكانیان رووداوی نەخوازراو بەهۆی ئەو ئۆتۆمبێلانەوە ئەنجامدەدەن و دواتر خاوەنەكانیان تابلۆكانیان گۆڕیوە و ناناسێندرێنەوە.
راشیگەیاند، “تیمەكانی هاتوچۆ بڕیاریاندا كە لە سەرجەم بازگەكان و ناوشار گومان لەسەر هەر ئۆتۆمبێلێك هەبێت كە بێسەرەتان دەستیان بەسەردادەگیرێت و لە ماوەی دوو رۆژی رابردووشدا 15 ئۆتۆمبێلی بێسەرەتا دەستیان بەسەرداگیراوە.
