بافڵ جەلال تاڵەبانی لە بەغداد لەگەڵ سەرۆكی بەرەی توركمانی كۆبووەوە و رایدەگەیەنێت، ئامانجی ئێمە پاراستنی رۆحی پێكەوەیی و یەكترقبوڵكردن و خزمەتكردنی كەركوكییەكانە.
بافڵ جەلال تاڵەبانی، سەرۆکی یەکێتیی نیشتمانیی کوردستان لە بەغداد چاویکەوت بە حەسەن تۆران، سەرۆکی بەرەی تورکمانی.
لە دیدارێكدا گفتوگۆ لەبارەی پەیوەندی لەمێژینەی كورد و توركمان كرا و جەخت لە پەرەپێدان و قووڵكردنەوەی گیانی تەبایی و پێكەوەژیان كرایەوە بەتایبەت لە شاری كەركوك.
لە بەشێكی دیكەی دیدارەكەدا دۆخی كەركوك و گۆڕانكارییەكان تاوتوێكران و جەخت لە یەكخستنی هەوڵەكان كرایەوە لەپێناو ئاساییكردنەوەی رەوشی كەركوك، بەهێزتركردنی پەیوەندییەكانی نێوان كورد، توركمان، عەرەب و پێكهاتەكانیتر بەشێوەیەك كە خزمەت بە پێكەوەژیان و سەقامگیریی شارەكە بكات.
بافڵ جەلال تاڵەبانی لەبارەی هەڵوێستی یەكێتی و هەوڵەكانی لەپێناو كەركوك روونكردنەوەیدا و وتی، “ئامانجی ئێمە پاراستنی رۆحی پێكەوەیی و یەكترقبوڵكردن و خزمەتكردنی كەركوكییەكانە”.
