ڕاهێنەری نوێی هەڵبژاردەی پۆرتوگال، ڕۆبێرتۆ مارتینێز جەخت لەوە دەکاتەوە، کە لەگەڵ کریستیانۆ ڕۆناڵدۆ گفتوگۆ دەکات و پاشان بڕیاردەدات بەردەوامی پێبدات یان نا.
ئەمڕۆ دووشەممە، فیدراسیۆنی تۆپی پێی پۆرتوگال بە فەرمی ڕۆبێرتۆ مارتینێزی ئیسپانی وەک ڕاهێنەری نوێی هەڵبژاردەی نیشتمانی ناساند.
لە یەکەم دەرکەوتنیدا مارتینێز ڕایگەیاند، “پێویستە لە نێو یاریگا بڕیاربدرێت، من لە ئۆفیسەکانمەوە بڕیار نادەم، خاڵی دەستپێکی کارەکانم لەسەر ئەو پێکهاتەیە دەبێت کە بەشداریی مۆندیالی کردووە، کریستیانۆ-ش یەکێکە لە یاریزانانی پێکهاتەکە، ماوەی 19 ساڵ لە هەڵبژاردەی نیشتیمانی یاریدەکات و شایستەی ئەوەیە لەگەڵیدا دابنیشم، بەیانی قسەی لەگەڵ دەکەم و لەگەڵ یاریزانانی دیکەش بە هەمانشێوە.”
Um novo 𝗟𝗶́𝗱𝗲𝗿 ao serviço de Portugal 🇵🇹: bem-vindo, Mister Roberto Martínez! 🤝 #VesteABandeira
A new 𝗟𝗲𝗮𝗱𝗲𝗿 at 🇵🇹 service: welcome, Coach Roberto Martínez! 🤝 #WearTheFlag pic.twitter.com/TCDe3yzJr9
— Portugal (@selecaoportugal) January 9, 2023
هەروەها لەبارەی ستافەکەیەوە دەڵێت، “لە ڕۆژانی داهاتوودا ستافی ڕاهێنان ڕادەگەیەنم، بڕیارمداوە یاریزانێکی دێرینی هەڵبژاردەی پۆرتوگال بکەم بە یاریدەدەری خۆم، ئەوەش دەبێتە ئەزموون و پاڵپێوەنەرێکی باشتر، چونکە باوەڕم بە سیستەم نییە و پێویستمان بە بەهرەکانی پۆرتوگالە لە هەموو سێکتەرەکاندا.”
مارتینێز بە لێدوانەکانی دەرگای بۆ کریستیانۆ ڕۆناڵدۆ کردەوە، میدیاکان پێیانوایە ڕاهێنەری نوێ دەیەوێت لە یورۆی 2024 و مۆندیالی 2026 کاری لەگەڵدا بکات.
